Hyundai : “Unforgettable”dan “Unregrettable”a

“Hyundai” elektrikli avtomobillərini tanıtmaq üçün “Unregrettable” adlı reklam kampaniyasını təqdim edib.

Marklife.az xəbər verir ki, “INNOCEAN Australia” tərəfindən rejissor Kyra Bartley ilə birgə hazırlanan kampaniyanın əsasını Nat King Cole-un məşhur “Unforgettable” mahnısının yenidən işlənmiş versiyası təşkil edir. Reklam filmində elektrikli avtomobil sahibləri mahnını öz “Hyundai” avtomobillərinə oxuyurlar.

“Hyundai” şirkətinin brend və məhsul marketinqi üzrə baş meneceri Hayley Phillips bildirib ki, elektrikli avtomobil almaq istehlakçılarda peşmanlıq deyil, məmnunluq hissi yaratmalıdır. O, şirkətin elektrikli avtomobillərinin 35 illik innovasiya təcrübəsinə əsaslandığını və çoxsaylı beynəlxalq mükafatlar qazandığını qeyd edib.