LinkedIn B2B reklamlarının ölçülməsi üzrə yeni bələdçi yayımlayıb

LinkedIn B2B marketinq mütəxəssisləri üçün reklam fəaliyyətinin nəticələrinin ölçülməsinə dair yeni bələdçi yayımlayıb.

Marklife.az xəbər verir ki, 18 səhifədən ibarət materialda B2B alıcılarının qərarvermə prosesinə təsir edən amillərin müəyyənləşdirilməsi, reklam fəaliyyətinin nəticələrinin izlənilməsi və marketinq investisiyalarının effektivliyinin qiymətləndirilməsi ilə bağlı tövsiyələr yer alıb.

Şirkətin açıqladığı statistikaya əsasən, B2B marketinq mütəxəssislərinin 33 faizi marketinq fəaliyyətlərinin təsirini şirkət rəhbərliyinə sübut edə bildiklərini qətiyyətlə bildirir. Respondentlərin 75 faizi isə mövcud ölçmə sistemlərinin yetərli olmadığını qeyd edir.

Bələdçidə reklam fəaliyyətinin nəticələrini daha dəqiq qiymətləndirmək üçün beş çərçivə təqdim olunub. Materialda, həmçinin, satış hunisinin bütün mərhələləri üzrə məlumatların izlənilməsi və marketinq fəaliyyətinin biznes nəticələri ilə əlaqələndirilməsi məsələləri əhatə edilib.