“Domino’s” “Minecraft Dungeons II” ilə əməkdaşlığa başlayıb

“Domino’s” videooyun həvəskarlarını hədəfləyən yeni marketinq kampaniyası çərçivəsində “Minecraft Dungeons II” ilə əməkdaşlığa başlayıb.

MarkLife.az “Marketing Dive” nəşrinə istinadla xəbər verir ki xəbər verir ki, kampaniya çərçivəsində “Domino’s Rewards” proqramının üzvləri onlayn pizza sifariş edərək oyunda istifadə edə biləcəkləri xüsusi əşyalar qazana bilərlər. Bu əşyalara oyunçu personajı üçün geyim, plaş və digər eksklüziv oyun elementləri daxildir.

Oktyabrın 26-dan noyabrın 4-dək hər gün 2 000 oyun kodunun hədiyyə edilməsi də planlaşdırılır. Bunun üçün müştərilər pizza almalı və alışlarını xüsusi internet səhifəsində təsdiqləməlidirlər.

Kampaniyaya oyun personajlarının təsvir olunduğu altı fərqli pizza qutusu da daxildir. Bundan əlavə, şirkətin sifarişləri izləmək üçün istifadə etdiyi “Domino’s Tracker” sistemi oyun mövzusuna uyğun dizaynla yenilənəcək.

Qeyd edək ki, layihənin 19 ölkədə həyata keçirilməsi nəzərdə tutulur.