“ENERGAZER” Azərbaycandakı fəaliyyətini yeni səhifə üzərindən davam etdirəcək

Enerji səmərəliliyi, bərpa olunan enerji və davamlılıq sahəsində fəaliyyət göstərən ENERGAZER şirkəti Azərbaycandakı layihə və təşəbbüslərini artıq yeni səhifəsi — ENERGAZER Azerbaijan ( https://www.linkedin.com/company/energazer-azerbaijan ) üzərindən paylaşacaq.

Şirkətin verdiyi açıqlamada bildirilib ki, bundan sonra yerli layihələr, tərəfdaşlıqlar və sosial təşəbbüslər bu səhifədə işıqlandırılacaq. Qlobal layihələr və beynəlxalq əməkdaşlıqlarla bağlı paylaşımlar isə əvvəlki rəsmi səhifə — ENERGAZER üzərindən davam etdiriləcək.

Bu addım şirkətin Azərbaycan bazarına fokuslanmış kommunikasiya strategiyasının bir hissəsi kimi qiymətləndirilir. ENERGAZER enerji səmərəliliyi, ağıllı infrastruktur, layihə mühəndisliyi və bərpa olunan enerji texnologiyaları sahəsində həm yerli, həm də beynəlxalq miqyasda fəaliyyət göstərir.

Yeni səhifənin yaradılması ilə şirkət ölkədə həyata keçirdiyi innovativ enerji həlləri, təlimlər və tərəfdaşlıqlar haqqında daha çevik və əhatəli məlumat paylaşmağı hədəfləyir.