“BBC”dən qənaət planı - hədəf 500 milyon funt sterlinqdir

BBC xərcləri azaltmaq və rəqəmsal platformalara keçidi sürətləndirmək məqsədilə üç kanalının ənənəvi yayımını dayandırmağı planlaşdırır.

MarkLife.az xəbər verir ki, “BBC Three” və “BBC Scotland” kanallarının televiziya yayımının, “Radio 4 Extra”nın isə ənənəvi yayımının 2027-ci ilin yazında dayandırılması nəzərdə tutulur. Qərar qurumun 2028-ci ilə qədər 500 milyon funt sterlinq qənaət etmək planının bir hissəsidir.

Yayım dayandırıldıqdan sonra proqramlar rəqəmsal platformalarda təqdim olunacaq. “BBC Scotland”ın məzmunları “BBC iPlayer” və Şotlandiyadakı digər “BBC” kanallarında yayımlanacaq. “BBC Three” proqramları “BBC iPlayer” və “YouTube”da, “Radio 4 Extra”nın verilişləri isə “BBC Sounds” platformasında əlçatan olacaq.

Qurum bu addımı izləyici vərdişlərinin dəyişməsi və yayım xərclərinin azaldılması zərurəti ilə əlaqələndirir. Yeni strategiya auditoriyanın daha çox istifadə etdiyi rəqəmsal platformalara üstünlük verməyi nəzərdə tutur.