Araşdırma: Görüntü keyfiyyəti məsafəyə bağlıdır

Cambridge Universitetinin alimləri insan gözünün müxtəlif ekran ölçülərində görüntü detallarını necə qəbul etdiyini araşdırıblar.
Marklife.az xəbər verir ki, araşdırmanın nəticələrinə görə, 50 düymlük televizora 3 metr məsafədən baxan insanların əksəriyyəti 1440p və 8K təsvir ölçüləri arasındakı fərqi seçə bilmir. Tədqiqatçıların hesablamalarına əsasən, bu şəraitdə fərqi görə bilənlərin payı təxminən 1 faizdir.

Alimlər bildirirlər ki, təsvir keyfiyyətindəki fərqin görünməsi ekranın ölçüsündən və ona baxış məsafəsindən asılıdır. Buna görə də 8K ekranın üstünlüyü hər şəraitdə nəzərə çarpmaya bilər.

Tədqiqat Nature Communications jurnalında dərc olunub.