AWS: Süni intellektə çox pul xərcləmək uğura zəmanət vermir

Süni intellekt investisiyalarından daha çox fayda əldə edən şirkətlər texnologiyaya daha çox vəsait xərcləyənlər deyil, onu konkret biznes nəticələri ilə əlaqələndirənlərdir.  

Marklife.az xəbər verir ki, bu barədə “Amazon Web Services”in (AWS) hazırladığı hesabatda bildirilib.

27 ölkə və 23 sektordan rəhbərlərin iştirak etdiyi araşdırmada respondentlərin təxminən üçdə ikisi süni intellektdən dəyər əldə etməyin qarşısındakı əsas maneənin texnologiya deyil, təşkilati struktur olduğunu bildirib.

Hesabatda süni intellekt investisiyalarının nəticələrinin konkret biznes göstəriciləri ilə ölçülməsi, xərclərə nəzarət, şirkətə məxsus məlumatlardan səmərəli istifadə və əməkdaşların bacarıqlarının inkişafı əsas prioritetlər kimi göstərilir.

Araşdırmaya əsasən, süni intellektin yaratdığı dəyəri artırmaq üçün şirkətlər texnologiya tətbiqi ilə yanaşı, idarəetmə modellərini və iş proseslərini də yenidən qurmalıdırlar.