“Netflix” bu işçiləri işdən azad edəcək

Marklife.az “Marketinq Türkiyə”yə istinadən xəbər verir ki, ixtisarların əsasən məhsul, texnologiya, hüquq və insan resursları şöbələrini əhatə edəcəyi gözlənilir.

Şirkətin həmsədrləri Ted Sarandos və Greg Peters əməkdaşlara göndərdikləri məktubda resursların prioritet sahələrə yönəldilməsinin vacibliyini bildiriblər. Onlar şirkətin illik maliyyə hədəflərinə uyğun irəlilədiyini və böyüməni dəstəkləyən sahələrə investisiyaların davam etdiriləcəyini qeyd ediblər.

Xatırladaq ki, son illərdə “Netflix” reklam dəstəkli abunə paketini istifadəyə verib, canlı yayım məzmununu genişləndirib və oyun sektoruna investisiyalarını artırıb. Şirkət, həmçinin şifrə paylaşımına məhdudiyyətlər tətbiq edib.