Türk Dünyası Marketinq, Reklam və Media Birliyinin (TÜREK) ilk üzv toplantısı keçirilib

İstanbulda Türk Dünyası Marketinq, Reklam və Media Birliyinin (TÜREK) ilk üzv toplantısı keçirilib.

Marklife.az Türkiyə mətbuatına istinadən xəbər verir ki, görüşdə Türk dövlətləri arasında marketinq, reklam və media sahələrində əməkdaşlığın genişləndirilməsi, birgə layihələrin hazırlanması və sektorlararası əlaqələrin inkişaf etdirilməsi məsələləri müzakirə olunub.

Tədbir çərçivəsində Türkiyənin marketinq, reklam və kommunikasiya sektorunun mövcud vəziyyəti, rəqəmsal transformasiya prosesləri, məsuliyyətli kommunikasiya yanaşmaları və Türk dövlətləri arasında birgə təşəbbüslərin həyata keçirilməsi imkanları nəzərdən keçirilib.

Görüşün sonunda TÜREK-in qarşıdakı dövr üzrə fəaliyyət istiqamətləri və prioritetləri müəyyənləşdirilib. “TÜREK Birgə Qiymətləndirmə və Yol Xəritəsi” sessiyasında üzvlərin təklifləri dinlənilib, gələcək əməkdaşlığın əsas istiqamətləri ilə bağlı fikir mübadiləsi aparılıb.