“Publicis”in gəlirləri 3,81 milyard avroya çatıb

Fransanın reklam şirkəti “Publicis”in gəlirləri üçüncü rübdə artaraq bazar gözləntilərini üstələyib. Şirkətin xalis gəliri 7,9% artaraq 3,81 milyard avroya çatıb.

Marklife.az Röyter agentliyinə istinadla xəbər verir ki, şirkətin üzvi gəlir artımı 5% təşkil edib.

Qeyd edək ki, artımın əsas səbəblərindən biri süni intellekt əsaslı marketinq xidmətlərinə tələbatın yüksəlməsi olub. “Publicis” illik maliyyə proqnozunu dəyişməz saxlayıb.