“Cheetos” və “Wednesday” Serialından Qorxulu-Əyləncəli Reklam

Cheetos, Netflix-in məşhur “Wednesday” serialı ilə əməkdaşlıq edərək Meksikada maraqlı bir reklam filmi təqdim edib. PepsiCo Mexico tərəfindən hazırlanan 90 saniyəlik video, serialın qaranlıq və qotik şəhəri Jerichonu Cheetos-un yumorlu xaosu ilə birləşdirir.

Reklamın əsas qəhrəmanı isə serialdakı məşhur obraz – “Thing” adlı kəsilmiş əl olur. O, yalnız beş barmağından istifadə edərək Cheetos paketini açmağa çalışır. Bu isə həm gülməli, həm də yadda qalan səhnələr ortaya çıxarır.

Filmin rejissoru Nicolás Pérez Veiga, prodüseri isə Primo şirkətidir. Post-prodakşın işlərini isə serialın da yaradıcı komandası olan Mirada studiyası görüb. Reklamda “Thing” obrazını canlandıran Victor Dorobantu rol alıb, musiqi müşayiəti isə məşhur müğənni Chavela Vargasın ifa etdiyi klassik “La Llorona” mahnısı ilə tamamlanıb.

Bu kampaniya, Cheetos və “Wednesday”in ikinci mövsüm üçün qurduğu geniş əməkdaşlığın davamıdır. ABŞ-da iyul ayında yayımlanan yeni mövsümün tanıtımı çərçivəsində, “Thing” Times Square-də narıncı izlər buraxaraq böyük səs-küy yaratmışdı.

PepsiCo Mexico-nun Marketinq Direktoru Daniel Díaz deyib:

“Məqsədimiz brendlərimizi innovasiyanın simvoluna çevirmək və istehlakçılarımızın maraq göstərdiyi mövzularla onları birləşdirməkdir. Cheetos və Wednesday əməkdaşlığı bunun ideal nümunəsidir – əyləncə fenomeni ilə məşhur qəlyanaltı bir araya gələrək unikal təcrübə yaradır.”