Burger King-dən Sevimli Kampaniya: Körpələr Whopper-a Maraq Göstərir

Burger King yeni “It’s Only Natural” kampaniyası ilə izləyicilərin qəlbini ələ keçirir. Kampaniyada, Whopper yeyən valideynlərin yeməyinə maraqla baxan və bəzən uzanaraq ısırmaq istəyən körpələr ekranlarda yer alır.

Braziliyalı INGO The Agency tərəfindən hazırlanmış kampaniya, uşaqların valideynlərinin yediyi yeməyi istəməsi ideyasından ilhamlanıb. Videolarda hər hansı danışıq və ya rol ifası yoxdur; yalnız körpələrin və kiçik uşaqların Whopper-dan bir ısırıq almağa çalışarkən verdiyi təbii reaksiyalar əks olunur.

“Kampaniya, hər birimizin yaşadığı insani bir müşahidəyə əsaslanır: uşaqlar valideynlərinin xoşladığı şeyi istəyir,” – deyə INGO The Agency-nin Kreativ Direktoru Fernando Montero bildirir. Onlar vurğulayır ki, bu sadə anların senariləşdirilməsinə ehtiyac yoxdur, körpələrin dürüst reaksiyaları kifayətdir.

Kampaniya həmçinin Burger King-in məhsullarında süni aroma, rəng və qoruyucu maddələrdən istifadə etmədiyi mesajını verir. Məqsəd izləyicilərə təbii və real inqrediyentlərlə hazırlanan yeməklərin həmişə daha dadlı olduğunu xatırlatmaqdır.

2020-ci ildə viral olmuş “Küflü Whopper” kampaniyası ilə birlikdə çalışan Burger King və INGO The Agency, “It’s Only Natural” kampaniyasına əvvəlcə Braziliyada start verəcək. Daha sonra kampaniya dünya miqyasında televiziya, rəqəmsal platformalar, sosial media və restoran içi təcrübələrdə izləyicilərlə görüşəcək.